BOGOTA, AP.- Polis a informá djaweps ku a kapturá un supuesto gueriero ku a duna órden pa mata kuater persona sekuestrá pa e forsa públiko pa asina evitá ku nan ta keda liberá den un operashon di reskate di e rehennan ku tabatin mas di un dékada di koutivo pa FARC.
Sandra Janeth Hernandez Giraldo, alias Luz Mary, a keda detené djarason den siudat Neiva, kapital di e departamentu di Huila. Asina hefe di polis antisekuestro, Humberto Guatibonza, a informá den un rueda di prensa.
Segun e ofisial, Luz Mary, di 31 aña “tabata esun ku a hasi e òrdu, atraves di radio, pa asesiná e personanan ku tabata sekuestrá den kaso di enfrentamentu ku forsa públiko òf intento di reskate”.
