Ofisialnan kontando voto durante elekshon presidensial na Sabaneta, Antioquia
BOGOTA, COLOMBIA, AFP.- Colombia a kuminsá konta votonan pa skohe e próksimo presidente di e pais afektá pa violensia i dividí entre prolongashon iskierdista òf bai den e direkshon derechista.
E produktor di kokaina mas grandi na mundu ta pasando dor di un oumento di violensia armá na fin di e mandato di presidente Gustavo Petro, e promé mandatario iskierdista di e pais. Ainda e ta popular entre e sektornan di mas pober pa motibu di su programanan sosial, pero e no por a bolbe presentá su mes komo kandidato.
E kandidato di su partido, senador Ivan Cepeda, di 63 aña, a enkabesá kasi tur enkuesta. Sin embargo, e no tin sufisiente voto pa gana e promé buèlta i evitá un di dos buèlta riba 21 di yüni.
Tur sentro di votashon a sera despues di un dia trankil. Ainda tur tregua ku guerianan prinsipal ta vigente. Gobièrnu a desplegá 408.000 miembro di forsanan di seguridat pa protehá e elekshon.
I miéntras tantu por bisa, despues ku konteo di voto ta avansando ku e iskierdista Ivan Cepeda i e derechista Abelardo de la Espriella ta enfrentá otro dia 21 di yüni, despues di e promé buèlta di elekshonnan presidensial ayera djadumingu.
Ku mas di 97% di e votonan, e abogado mionario de la Espriella tabata ku 44%, un tiki mas ku Cepeda ku tabatin 41%.
