BOGOTA, AP.- E presidente Juan Manuel Santos, djabièrnè a enkabesá e desfile militar ku loke el a selebrá dia di Independensia na Colombia riba e isla di San Andres.
Den su saludo na e trupanan, e mandatario a bisa ku “tin zonanan difísil, pero einan nos forsanan ta poniendo òrdu, poniendo outoridat, nan lo sigui perseverá”.
“Nan sa kua ta e òrdu i nan sa kon pa hasi esei bon”, el a agregá.
E parada militar di 20 yüli, ku tin kustumber di wòrdu desaroyá na Bogota, a keda trasladá 
den region insular riba petishon di su habitantenan despues di bishita di Santos fin di siman anterior pa ehersé aktonan di soberania. E gobièrnu nikaragwense den 2001 a formalisá un demanda dilanti Korte Internashonal di Hustisia pa reklamá e archipiélago di San Andres, ku ta keda na 1.780 kilometer na nort di Bogota. E desfile di Dia di Independensia ya a yega di tuma lugá riba e isla na 2007 durante e gobièrnu di presidente Alvaro Uribe (2002-2012).
Den oranan mas atardi, e miembronan di Kongreso ta warda Santos pa pone un periodo nobo di seshon i pronunsiá e diskurso di kustumber kaminda e ta hasi e balanse di su gobièrnu aktual ku e presente legislativo di un pakete di proyektonan di lei.
