E tipo di prizòn flotante ku ta biba den mente di e presidente kolombiano Abelardo de la Espriella.
BOGOTA (AFP).- Colombia ta trahando riba un proyekto nobo pa sera prezunan peligroso riba barkunan meimei di laman, segun un fuente di Ministerio di Defensa a duna di konosé na AFP.
E derechista Abelardo de la Espriella, ku a asumí presidensia dia 7 di ougùstùs, ta hibando un polítika di kombate frontal i bombardeonan kontra di gruponan ku tin armanan finansiá pa narkotráfiko. Den esaki lo e konta ku yudansa di Merka.
E mandatario a pidi pa traha mas lihé riba e proyekto di barkunan komo prizòn. El a hasi e petishon ei den reunion di konseho di seguridat. E barkunan lo ta na enkargo di kuerpo militar dje pais.
Ta usa e barkunan pa evitá huida i limitá e kontakto di prezunan peligroso ku eksterior.
Segun organisashonnan di derechinan humano, e tipo di prizòn akí ta violá e garantianan individual di prezunan.
Den 2007, e mandatario dje tempu ei Alvaro Uribe a sera lidernan narkotrafikante riba barkunan den Atlántiko i Pasífiko, fuertemente eskoltá, promé ku nan ekstradishon pa teritorio norteamerikano.
