COLOMBIA, AP.- E último notisianan riba e preparativonan pa firma e akuerdo di pas entre presidente kolombiano Juan Manual Santos i e hefe di Forsanan arma revolushonario FARC Rodrigo Londonjo al ias Timonchenko ta tumando lugá. Santos, mandatarionan invi tá i sekretario di estado merikano John Kerry ta partisipá den un liturgia religioso organisá pa iglesia katóliko.
Dòrna ku flor blanku, iglesia San Pedro Claver di Cartagena a ofresé un orashon pa patria. ” E papa santu ta sigui ku atenshon na e esfuersonan ku ta buskando e konkordia”, asina kardinal Pietro Parolin a bisa den un mensahe na e kolombianonan. “Nos tur ku ta aki nan ta konsiente ku nos ta na final di negosiashonnan i e kuminsamentu di un proseso ku ta rekerí atenshon di tur kolombiano”. Parolin a enfatisá ku e pordon i e rekonsiliashon ta mei mei di e balornan kristian. ” Violensia i konflikto ta evitabel”, asina el a agregá.
Ayera tambe presidente Santos a reuní ku un grupo militar i algun 100 uniformá i a gradesí nan pa nan ròl den e pas ku ta yegando na dje, asina presidensia a informá.
Diferente mandatario ta yegando Colombia pa e echo aki entre nan presidente Rafael Correa di Ecuador ku ta partisipá na e firmamentu di e akuerdo i a felisitá e kolombianonan pa a yega na pas atraves di diálogo. Otro hefenan di estado ku a yega Cartagena ta e kubano Raul Castro, di Salvador Salvador Sanchez, Panama Juan Carlos Varela, di Costa Rica Luis Guillermo Solis i sekretario di estado di Merka John Kerry.
I mas lat den oranan di atardi gobièrnu di Colombia i Farc a pone nan firma bou di e akuerdo di pas
Presidente di Colombia a firma e akuerdo históriko di pas ku e kual nan ta buska moda di pone fin na mas di mei siglo di konflikto arma den e nashon aki.
” Niun hende tin di duda ku nos ta bai den direkshon di e polítika sin arma”, asina e hefe rebelde Rodrigo Londoño alias Timochenko a bisa dilanti di míles di asistente den un seremonia den e siudat aki. “Nos ta nai kumpli i nos ta spera ku gobièrnu tambe ta kumpli”, asina el a bisa.
