WASHINGTON, AP. – Colombia a anunsiá djaluna ku esaki tin planiá di deportá mas di mil kubano ku a drenta e pais ilegalmente.
E kansier Maria Angela Holguin a señalá ku e “idea ta deportashon. Nos no por tin siudadanonan di ningun nashonalidat di forma ilegal den e pais i no ta trahando den direkshon di esaki”.
Defensor di Pueblo a informá siman pasá ku 1.297 kubano a drenta e pais ilegalmente i ta biba den kondishonnan deplorabel den pueblo di Turbo, departamento di Antioquia, kaminda nan a yega tres luna pasá.
Despues di puntra tokante e desishon pa deportá nan pa Cuba, e kansier a rospondé ku “nos a yega na un akuerdo ku Ecuador i e kubanonan ku a drenta via Ecuador por bolbe bèk na Ecuador”.
Holguin, kende a ofresé un konferensia di prensa despues di selebrá ku e di seis edishon di diálogo bilateral di nivel haltu ku sekretario di Estado John Kerry, no a presisá kuantu di e 1297 personanan a drenta Colombia desde Ecuador.
Entre e kubanonan tin universitarionan, teknologo i amanan di kas. Nan a drenta ilegalmente via Colombia, Venezuela, Brasil, Ecuador i Guyana.
Segun e aña aki a pasa, mas di 8.500 migrante a drenta via Cuba, Haiti, Afrika ku destino final pa Merka. Asina outoridatnan migratorio di Colombia a indiká.
