BOGOTA, COLOMBIA, AP.- Den dos aña Colombia a dupliká teritorio sembrá pa blachi di koka i ta pais ku mas produkshon di kokaina, segun informashon di Nashon Uní.
“Esaki ta e promé pais ku ta sembra kokaina. I a informá ku Colombia ta surpasá Perú i Bolivia huntu. Pues e pais ta produsí mas ku e dosnan huntu”, asina Bo Mathiasen, representante di ofisina di Nashon Uní kontra Droga i delito a informá na The Associated Press.
Segun e informe di Nashon Uní, presentá na Bogotá, te na 2015 tabatin 96.000 hèktar di mata di koka, loke ta impliká un subida di 39% di hèktar detektá na 2014.
Segun Math iasen, Colombia ta e produktor mundial mas grandi di kokaina. Pa 2015, e produkshon a yega 646 tonelada métriko.
“E resultadonan ku nos ta representando awe ta preokupante e ekonomianan ilegal, manera kultivo di koka, ta un menasa pa e konstrukshon di pas”. Asina e funshonario a enfatisá durante presentashon di e informe na prensa.
E informe di 2015 di Ofisina pa Kòntròl di Droga den Nashon Uní na Colombia a revelá un oumento konsiderabel di hèktarnan sembrá dor di pasa di 48.000 hèktar na 2013 pa 69.000 den 2014.