Corendon ku vuelo ekstra pa fanátikonan pa Kansas City dia 20 di yüni 2026
Debi na gran interes di fanátikonan pa e próksimo wega entre Equador i Kòrsou riba 20 di juni 2026, Corendon ta organisá un buelo ekstra pa fanátikonan ku ta bai bin e mesun dia pa Kansas City. E biahe ta suheto na aprobashon final di e Transportation Security Administration (TSA). Ku e pakete speshal aki, fanátikonan di Kòrsou lo tin e oportunidat pa biaha pa Kansas City i bolbe mesun dia pa sostené nos selekshon nasional na e wega ku ta kuminsá na 7:00 di anochi (ora lokal).
Debi na rekisitonan di proseso di TSA, tur reservashon, pago i dokumentashon nesesario mester wordu kompletá mas lihé ku ta posibel. Reservashon ta habrí awor i solamente ta posibel via agensia di biahe di Corendon na Scharlooweg 27.
Detaye di buelo:
Vuelo CD6161 – Salida for di Kòrsou pa Kansas City 20 di yüni 7:00 di mainta
Yegada na Kansas City na 12:00 di merdia
Vuelo CD6172 – Salida for di Kansas City riba 20 di yüni pa 23:59 (ora lokal)
Yegada na Kòrsou na 06:30 di mainta
Opshonnan di pakete:
Solamente vuelo: (sin karchi pa stadion): 1.799 florin
Vuelo + entrada pa wega (balor USD 180): 2.149 florin
Vuelo + entrada pa wega (balor USD 400): 2.499 florin
E pakete ta inkluí vuelo ida i buelta Kòrsou – Kansas City – Kòrsou, Impuesto i gastunan di aeropuerto i transporte ida i buelta entre Aeropuerto di Kansas City i stadion.
Lugánan ta limitá i reservashonnan solamente por wordu konfirmá despues ku tur rekisitonan di TSA a wordu kompletá. Reservashon i asistensia ku proseso di TSA solamente possible na Agensia di Biahe Corendon na Scharlooweg 27.
