WILLEMSTAD.- Corendon Dutch Airline a kuminsá djadumingu 3 di novèmber esta ayera ku un servisio entre Amsterdam i Kralendijk. Ta trata di un vuelo ku ta ser ehekutá dos biaha pa siman, djárason i djadumingu via Kòrsou. E buelonan ta ser operá huntu ku World2Fly ku un avion moderno, efisiente i ekonómiko Airbus A350. Ayera pa e buelo inougural si Corendon a bula Amsterdam pa Kralendijk dirèkt.
E plan ta pa denter di 1 te 2 aña inisiá buelonan direkto di Amsterdam pa Kralendijk, sin pasa mas via Kòrsou.
Ta Corendon su ambishon pa trese anualmente 18.000 pasahero pa Boneiru. Esei ta pa medio di un pakete di hotèl i asina yamá ‘seats only’. “Boneiru ta un destinashon fantástiko. E buelo a bira un realidat despues ku Corendon a ser kontaktá pa Bonaire Hotel & Tourism Authority. Nan a pidi pa mas konekshon aéreo.Tin sufisiente kama na Bonaire, pero insufisiente stul di avion for di Hulanda.
Corendon konosé Boneiru kaba komo destinashon di vakashon ya hopi aña. Pues e buelo nobo tabata un paso lógiko pa nos”, asina CEO di Corendon, Gunay Uslu a bisa djadumingu na Boneiru.
){kind=link}