158 kaso nobo awe
WILLEMSTAD.- Sifranan ofisial di departamento di epidemiologia ta mustra ku e kantidat di hendenan ku a test positivo pa Covid awe ta 158. Esei ta for di un tota di 628 test ku a realisá. Tin 8 persona ku a rekuperá, miéntras ku tin 5 persona ku a keda hospitalisá di kua unu a bai kuido intensivo. A trasladá kuater persona ku tabata hospitalisá kaba tambe pa kuido intensivo, pues awor e kantidat di hende den kuido intensivo ta 10 i e total hospitalisá ta 23. Un persona ku tabata den kuido intensivo a fayesé. Esei ta hiba e kantidat di persona ku a muri di Corona vírus na Korsou na 24. EXTRA a tuma nota ku e departamento no ta indiká mas kuantu kaso ta relatá na kasonan eksistente. Anteriormente tabata indiká ku tin 158 kaso nobo di kua sierto kantidat ta relatá na kasonan eksistente i asina por komprondé kuantu ta kasonan ku hendenan lo no a duna informashon kompletu pa asina e tim por determiná e fuente. Mas detaye den edishon di EXTRA.
