ALEMANIA, AFP.- Mas di 100 mil hende a muri debí na COVID-19 i un rèkòrt di infekshon diario na Alemania kaminda kada dia ta konta, segun kansier Angela Merkel, indikando ku nan ta pasando den e ola di mas violento for di inisio di e pandemia, ku por sierto ta e desafio prinsipal di e gobièrnu nobo ku lo asumí poder pronto.
Den e último 24 oranan, e pais a registrá 351 morto, ku a hiba e sifra na 110.119 morto for dia a pandemia a kuminsá, segun datonan di Instituto Robert Koch di gobièrnu federal. Ta un dia tristu asina e kansier saliente Angela Merkel a bisa ayera.
E institushon a notifiká mas aleu ku tin 75961 infekshon, un rèkòrt diario pa e promé ekonomia di e zona di Euro. E insidente tambe a alkansá otro rèkert ku 419.7 kaso pa kada 100 mil habitante den e último shete dianan. Pero den e region di Sajonia el a superá mil kaso pa kada 100 mil habitante.
