WILLEMSTAD.- CPost International NV i KLM/Airfrance Cargo a anunsiá ayera e relashon entre nan dos. Durante di un seremonia kòrtiku ku presensia di e CEO di Cpost International Thomas Roggendorf, tambe gerente di operashon regional di AirFrance Cargo KLM Cargo Yendrell Soerka, mas aleu presente Jacqueline Jansen CEO di Curinde NV, sra. Etlin Ursula-Bonevacia – Sales Manager Dutch Antilles, Surinam & Venezuela Airfrance-KLM Martinair Cargo, minister Zita Jesus Leito i tambe Jervhes Josephia – Director Business Development – Cpost, e relashon di trabou aki a keda anunsiá. Tambe tabata presentá diferente negoshante den “E relashon nobo aki ta fortifiká nos kompromiso ku Curinde NV pa ofresé su klientenan e solushon logístiko mas mihó i mas kumbiniente pa transporte di su artíkulonan. E servisio aki lo ta disponibel tambe pa klientenan ku kumpra via di www.ezshopcuracao.com”, asina sr. Roggendorg CEO di CPOst International a bisa.
Pa hopi aña CPost a bin ta ofresé solushonnan pa karga pa medio di su filial ku ta situá stratégikamente na Zona Liber. Debí na e relashon aki, CPost awor tin akseso na un ‘netwerk’ kompleto di KLM/Airfrance, loke ta nifiká ku por manda karga mas lihé i mas kumbiniente pa tur skina na mundu.
…Riba e fotonan por mira e seremonia ku a tuma lugá na Zona Liber afirmando e relashon di trabou entre CPost i KLM/Airfrance…
