LA HABANA, CUBA, AFP.- Cuba a ratifiká Kódigo di Famia, ku ta legalisá matrimonio i adopshon pa personanan di mesun sekso, i tambe ‘draagmoederschap’

E legislashon, ku ta remplasá unu di 1975, a keda aprobá ku 66,87%, segun un konteo parsial.

“Si a gana. Hustisia a prevalesé”, asina presidente Miguel Diaz-Canel a bisa riba su kuenta di Twitter.

Konseho Nashonal Elektoral (CEN) a informá ku 6.251.786 persona a vota, ekivalente na 74,01%.

Di e total di 5.891.705 voto bálido, 3.936.790 a vota Si (66,87%) i 1.950.090 a vota No (33,13%).

E Kódigo di Famia nobo ta definí matrimonio komo un union “entre dos persona”, hasiendo kasamentunan homoseksual posibel i tambe adopshon pa parehanan di mesun sekso.

LAGA UN KOMENTARIO

Please enter your comment!
Please enter your name here