WILLEMSTAD.- E partido di beisbòl di awe entre Cuba i US Virgin Islands a keda suspendé pa motibu di 6 posibel kaso di COVID-19 den e delegashon kubano. T’asina ku pa drenta Kòrsou, e persona mester tin un PCR negativo i tambe mester hasi un Antigen tèst riba su di tres dia na Kòrsou. Awor ta resultá ku 3 pelotero kubano, ademas di un coach, tambe e dòkter dje ekipo i un delegado kubano ta positivo.
Pa motibu dje situashon ei a suspendé e wega di ayera di Cuba i awor e dos paisnan lo hunga un double-header djabièrnè 2 di yüli. Durante dia di awe lo sigui monitòr e situashon.
Di akuerdo ku e informashon, e kubanonan ku a tèst positivo ta den bon kondishon físiko i a keda isolá.
