LA HABANA, CUBA, AFP.- Alrededor di 39 partisipante den protestanan di 11 di yüli na Cuba lo wòrdu huzgá  e siman aki na La Habana i dos provinsianan pa delito si instigashon, sabotahe o atentado, segun informashon di grupo Hustisia 11J.

E huisionan lo tuma lugá riba djaluna i djabièrnè “i lo huzga 39 manifestante” ku ta enfrentá kondenanan di entre seis i 26 aña di prizòn “pa delitonan di instigashon, sabotahe i atentado” entre otro, segun e lista publiká Hustisia 11J riba su página di Facebook.

Lo huzga alrededor di 21 persona den Tribunal di Munisipio di 10 di òktober, na La Habana, i nuebe mas di tribunalnan di munisipio di Quivican i San Jose de las Lajas, di provinsia di Mayabeque.

Míles di kubano a protestá riba 11 di yüli, den manifestashonnan ku a laga un morto i desénas di herido i 1.377 detenido, di kual ainda 727 ta den prizòn, segun Cubalex.

Segun Hustisia 11j, a huzga por lo ménos 407 manifestante, inkluyendo pa 158 pa instigashon i 40 pa sabotahe.

E lider di Damas de Blanco, Berta Soler, a wòrdu liberá djadumingu anochi despues di nuebe ora di detenshon.

LAGA UN KOMENTARIO

Please enter your comment!
Please enter your name here