Presidente di Cuba, Miguel Diaz-Canel
HAVANA, CUBA, AFP.- Djabièrnè e presidente di Cuba, Miguel Diaz-Canel, a anunsiá mas libertat pa empresanan chikí den e pais. E gobièrnu komunista ke purba hasi e ekonomia mas atraktivo, miéntras e pais ta enfrentá e blokeo di Merka.
Den un diskurso transmití na televishon nashonal, Diaz-Canel a bisa ku Cuba lo habri mas sektor pa empresanan privá i fasilitá aprobashon di negoshinan nobo.
Debí na e blokeo di petroli imponé pa Merka den yanüari, e gobièrnu a presentá vários reforma pa “boost” e ekonomia di Cuba.
Komo parti di e medidanan nobo, e gobièrnu ta permití pa empresanan privá invertí den e ekonomia ku e mesun kondishonnan ku invershonistanan estranhero. Esaki ta sosodé despues ku algun invershonista estranhero a bandoná e pais pa motibu di e posibel sanshonnan di Merka.
Diaz-Canel a bisa ku e gobièrnu ta konsiderando e posibilidat pa eliminá intermediarionan estatal den operashonnan di importashon i eksportashon.
E presidente a afirmá su kompromiso pa desentralisá su ekonomia i duna empresanan estatal mas outonomia, kual ta representá mas o ménos 80% di tur aktividat ekonómiko.
Diaz-Canel a sigurá ku lo debatí i aprobá e reformanan nobo pronto.
