Un taksi na un krusada sin lus di tráfiko na Cuba
LA HABANA, CUBA, AFP.- Cuba a logra rekonekta su sistema di koriente nashonal, 36 ora despues di un blackout general ku a laga e isla kompleto den skuridat djadumingu anochi. Esaki a pasa meimei di un krísis di koriente profundo i blokeo di petroli imponé pa Merka.
Esaki tabata e di seis blackout pa e aña aki desde fin di 2024. Apénas 24 ora despues di e último blackout, un terser parti di e pais, inkluyendo e kapital a keda den skuridat pa motibu ku e ret a faya. E proseso pa establesé koriente a keda kanselá pa motibu di mal tempu.
Na La Habana, solamente 42% di e siudat tabatin servisio di koriente te ku djamars mèrdia.
