LA HABANA, Cuba (AFP).- Un tribunal di Cuba a rechasá e rekurso di apelashon pa libertat antisipá p’e artista disidente Luis Manuel Oero Alcantara, kende su kondena lo kaba den ménos ku tres luna. E artista, di 38 aña, konsiderá pa Amnistia Internashonal komo “prezu di konsenshi”, a keda kondená den 2022 na sinku aña di prizon pa no a respetá símbolonan di patria i alterashon di orden públiko.
Outoridtanan a detené Otero Alcantara dia 11 di yüli di 2021 ora ku e tabata sali for di su kas na La Habana pa uni su mes na manifestashonnan sin presedente den kua míles di hende a tuma parti ku e gritu “nos tin hamber”, “libertat” i “kita diktadura”.
“Sala Penal di Tribunal Supremo Popular di La Habana a rechasá dia 7 di aprel e apelashon presentá na fabor dje artista i prezu polítiko Luis Manuel Otero Alcantara, ratifikando su sanshon te ku 9 di yüli di 2026” segun e organisashon Cubalex a bisa. “E desishon ta basá riba e punto ku e no ta bini na remarke p’e ménos sanshon pa motibu di mal kondukta”, segun e organisashon di derechinan humano ku sede na Miami.
Gobièrnu kubano medio mart a komprometé pa liberá 51 prezu despues di un akuerdo ku Vatikano, mediadó históriko entre Cuba i Merka. Na e momento aki, organismonan di defensa di derechinan humano a konfirmá ku 24 persona por a bandoná prizòn, e mayoria ta partisipantenan den e protestanan di yüli di 2021.
Cuba debería escuchar más a sus artistas y a las voces disidentes en lugar de reprimirlas. La libertad de expresión es un derecho básico, no un privilegio. Ojalá algún día haya más diálogo y menos censura en el país. Slope 2