LA HABANA, CUBA, AFP.- Cuba ta spera di por produsí 100 mion dósis di su vakuna kontra Corona vírus den 2021 i inmunisá su pueblo kompleto e aña aki, segun indikashon di e direktor di Instituto Finlay di La Habana ku ta desaroyá dos di e kuater proyektonan lokal den diferente ensayo klíniko.
“Nos tin kapasidat pa fábrika 100 mion dósis” di Soberana 2, e kandidato vakunal mas avansá i “si tur kos bai bon, e aña aki nos lo vakuná e pueblo kompleto”, asina dòkter Vicente Verez a bisa den un konferensia di prensa.
Soberana 2 a pasa pa Fase II b di ensayonan klíniko, kual ta involukrá 900 voluntario. Si e vakuna ta eksitoso, e kandidato pa vakuna aki lo drenta Fase III den mart, kual ta e último promé ku aprobá e vakuna i kual ta involukrá 150.000 voluntario.
Instituto Finlay a firma un akuerdo ku Instituto Pasteur di Iran pa e pais partisipá den fase III.
Soberana 1 ta den fase I aktualmente i mester pasa pa “fase II-III” den febrüari i tambe lo tèst esaki riba esnan ku ta rekuperando di e enfermedat, segun indikashon di Verez.
