LA HABANA, AP.- Cuba i Merka a mantené un di su reunionnan periódiko pa duna siguimentu na e asuntunan migratorio, miéntras míles di kubano tabata den e pais preshoná pa yega na e nashon bisiña pa disfrutá di benefishinan spesial.
Notanan ofisial di Kansier kubano i di Departamento di Estado na Washington a indiká ku e ròndu di kombersashon den e kapital a tuma lugá entre Josefina Vidal Ferreiro di Cuba i John Creamer di Merka.
No a anunsiá akuerdonan konkreto.
Segun e komunikado kubano, e delegashon a ekspresá su “preokupashon profundo” pa e persistensia di un lei denominá di “pia seku, pia muhá”. Esaki ta indiká ku kubanonan ku pisa tera merikano “di forma iregular i sin importá e ruta i medio ku nan usa” ta wòrdu risibí den Merka ku benefisionan migratorio i ta duna tratamentu di refugiadonan polítiko.
E normanan merikano ta establesé ku si e kubanonan keda detené riba laman, nan ta wòrdu debolbé pa e isla.
