LA HABANA, AP.- E apertura di ruta aéreo komersial direkto desde Merka pa Cuba lo kuminsá e siman aki i ta un kontribushon di mehor a shon di relashonnan bilateral. Asina fushonarionan kubano a bisa, kende a garantisá ku e isla ta kumpli ku tur rekisito di seguro aeronóutika.
” Esaki ta un paso positivo i un kontribushon konkreto den e proseso di mehorashon di relashon entre ámbos pais”, asina viseminister di Transporte Eduardo Rodriguez a indiká na periodistanan.
E avion JetBlue lo aterisá mañan dia 31 den e siudat di Santa Clara, prosedente di Florida i ku esaki lo kibra sinku dékada di interupshon di e tipo di interkambio aéreo aki ku tabata parti di vuelonan muchu mas kostoso i ku un maneho iregular. Esaki a kuminsá na aña 70.
Cuba i Merka a bolbe lansa su vínkulonan diplomátiko den desèmber na aña 2014, riba ruta pa un normalisashon total di aneksonan interumpí den añanan 60. Washington a imponé un sanshon riba e isla preshonando un kambio na e sistema polítiko i entre nan limitashon di su siudadanonan i residente di e nashon karibense.
Presidente Barack Obama, a hasi e reglanan pa biaha pa Cuba mas fleksibel, pero e leinan general di embargo ainda ta vigente. Esaki por wòrdu deroga solamente pa Kongreso merikano.
