WILLEMSTAD.- Direktiva ta tuma maneho diario den man. Preshon finansiero i reto nobo pa un miembro a trese e kambio aki.

Despues di a lucha 10 aña Hubèrt ( Bert) Isenia ta baha komo direktor di parke di Bestia Nashonal.

Pa 10 aña sr. Hubèrt ( Bert) Isenia a lucha pa gran parti un bataya solitario kontra 10 gobièrnu.

E último 4 aña sigur tabata un lucha tenas pero ku poko poko a kuminsá duna fruta.

I den e lucha aki a logra krea algu nobo.

Kreando un tim di maneho ta suavisá e trabou diario i di e forma aki kada miembro di e tim por ehersé nan labor di forma boluntario pa bienestar di nos parke di bestia i hardin botániko nashonal.

Hubèrt ( Bert) Isenia ta yama parke ayó komo gerente i ta bai sigui su kareda profeshonal diario na un otro instituto ku a pidi su sosten. E echo aki no ta kita si ku Bert su baby Curaçao Zoo & Botanical Garden ta keda sin dje. Bert lo pasa pa forma parti di e direktiva i parti di e management tim pa asina sigui duna su pashon i konosementu na bienestar di e bestia i matanan den nos parke.

Fundashon Parke Tropikal su direktiva ta forma pa: Richenel Martijn, presidente enkargá ku operashon diario i trayekto hurídiko,

Chundriss Mujica ,Vice Presidente,

Hubèrt ( Bert) Isenia, sekretario alabes relashonista públiko i enkargá ku desaroyo di e parti botániko i kuido di bestia en general.

Shurenska Isabella, Tesorero enkargá ku atministrashon diario i trayekto di personal

Elshten Petronilia, Komisario enkargá ku seguridat.

Direktiva di Fundashon Parke Tropikal ku ta manehá Curaçao Zoo & Botanical Garden ta deseá Bert tur klase di éksito den su reto profeshonal nobo i ta yam’e bon bini komo parti di direktiva.

Bert su reto nobo lo bai krusa kaminda di Zoo pronto debí ku e ta bai laborá  den un área di kuido i ku mester di hopi empatia ku ta netamente loke nos parke di bestia tambe ta para pe i ta boga pe diariamente.

Bert danki pa tur kos i éksito den e etapa nobo aki.

LAGA UN KOMENTARIO

Please enter your comment!
Please enter your name here