Willemstad– Gerensia di Curoil/Curgas a risibí informashon ku lamentablemente un di dos empleado ku ta laborá na Curoil Gasstation a tèst positivo pa Covid-19. E último dia ku e empleado a laborá tabata djárason 16 di Sèptèmber na pòmp stashon Muizenberg. Djamars 22 di Sèptèmber, e empleado tabata brevemente presente na pòmp stashon Cas Chikitu i no tabata tin kontakto ku kliente.

Curoil ta den estrecho kontakto ku nos ‘bedrijfsarts’ i GGD  ku ta enkargá ku e trayekto di ‘contact tracing’ pa identifiká tur persona ku lo mester bai den karentena komo medida di prekoushon. Entretantu trabounan di limpiesa profundo a tuma lugá pa mantené e lokalidatnan seif pa demas empleado i tambe klientenan.

Nos ta deseá nos koleganan un pronto rekuperashon i na mes momento nos ta hasi un yamada na tur nos klientenan pa sigui tur instrukshonnan na nos puntonan di benta pa di e forma aki mantené nan mes i demas persona seif.

LAGA UN KOMENTARIO

Please enter your comment!
Please enter your name here