WILLEMSTAD – Curoil a tuma nota di publikashonnan riba retnan sosial tokante e kalidat di gasolin. En konekshon ku esaki, Curoil ta enfatisá ku tur produkto ta pasa dor di un proseso di kontròl riguroso pa garantisá ku esaki ta konforme spesifikashonnan vigente, stipulá dor di gobièrnu di Kòrsou. Pa loke ta trata e holó di gasolin, por sosedé ku esaki ta varia. Esaki ta relatá na komponentenan ku no tin efekto riba kalidat di e gasolin. Curoil ta reiterá ku e produkto ta konforme spesifikashonnan vigente. Den edishon di mayan EXTRA lo tin mas detaye riba e informe aki.
