RIAD, SAUDI ARABIA, AFP.- Un dama saudi, kondená resientemente ku un kastigu di 45 aña den prizòn a “desafiá” e rei i prens heredero di e pais riba Twitter segun dokumentonan hudisial.
E kondena kontra Nurah al-Qahtani, ku a keda publiká siman pasá, ta sosodé ménos ku un luna despues di un bishita kontroversial di presidente merikano Joe Biden.
E lider demókrata a reuní ku prens Mohammed bin Salman, un desishon kritiká pa organisashonnan no gubernamental mirando e violashonnan grave di derecho humano den e pais.
