De-eskalashon; empresanan horeka por keda habrí te 10’or

Orario di ‘toque de queda’ Kòrsou 12’or – 6’or am

WILLEMSTAD.- Minister Giselle McWilliam a anunsiá ku entrante mayan, djabièrnè 22 di mei gobièrnu lo sigui ku de-eskalashon di medidanan den kuadro di Covid-19.

For di 8 di mei a kuminsá ku e proseso di de eskala, e meta prinsipal ta pa habri ekonomia pero tambe salbaguardiá salu di komunidat engeneral. E minister a anunsiá ku entrante djabièrnè awor lo dal algun paso mas pa habri ekonomia.

Lo adaptá e orario di ‘toque de queda’ ku lo bira di 12’or anochi pa 6’or di mainta. Esaki ta enserá ku empresanan di horeka por keda habrí te ku 10’or di anochi. Tambe ta bira posibel pa sinta den establesimentunan pa kome teniendo kuenta ku reglanan di distansia sosial i normanan di higiena. Trùk di pan tambe por keda habri te ku 10’or anochi, i kasinonan por habri teniendo kuenta ku distansia sosial i normanan di higiena. Oranan pa kuido di hende (mantelzorg) i tambe pa hasi ehersisio ta vense loke ta enserá ku esnan ku ke hasi ehersisio no ta mará na orario.

Tur sobrá medida ta keda vigente, manera medidanan di higiena, distansia sosial i no ta permití aglomerashon di 25 hende òf mas. Mas detaye den edishon di EXTRA.

SHARE

LEAVE A REPLY