Sostenedonan di presidente saliente Gustavo Petro i eks kandidato pa presidente i awor senador Ivan Cepeda ta demostrá aki na Barranquila
CALI, COLOMBIA, AFP.- E ultra derechista Abelardo de la Espriella a asumí ayera e presidensia di Colombia, disidí pa kombatí ku man duru e gueria i narko, den un kambio ku ta estrechá lasonan ku Washington i dera e negosiashonnan di pas.
E abogado di 48 aña, ku tambe ta tin e nashonalidat merikano i ta aliado di Donald Trump, lo hura na Cali den un seremonia inusual serka di e teritorio bou di dominio di gruponan arma ku a sòru pa atrobe pa e pió ola di violensia den un dékada.
De la Espriella a remplasá Gustavo Petro, e promé presidente di iskierda di Colombia i kende no ta rekonosé e elekshon di su susesor. Petro a denunsiá un supuesto froude elektoral, pero ainda no a trese e pruebanan.
Den un evento ayera atardi de la Espriella a hura pa un mandato di kuater aña ku e promesa di un era nobo a Colombia.
De la Espriella ku ta yama su mes El Tigre a komprometé su mes na pone fin na e plannan di pas frakasá di Petro ku e organisashonnan ku ta trafiká den kokaina den e pais ku e produkshon di mas grandi di droga na mundu.
E lo asumí den un zona di konflikto, kontrali na loke a kustumbrá den Bogota.
Presidente nobo di Colombia Abelardo de la Espriella ta risibí e martin presidensial di presidente di kongreso Henriquez
