WAHINGTON, AP.- Tin un debate tenso yen di atake i insulto, Hillary Clionton a deklará ayera djadumingu ku e komentarionan vulgar di Donald Trump riba hende muhé ta revelá eksaktamente ken e ta i ta demostrá su falta di kapasidat pa ta presidente.
Kontestando esaki e kandidato republikano pa presidente di Merka a akusá su rival demókrata di ataká muhénan impliká den relashonnan pafó di matrimonio di Bill Clinton i a primintí ku e lo ta den prizòn si e lo bira presidente.
Trump a yega e debate ku e nesesidat di pone règt e rumbo di su kampaña, i a sòru pa hopi atake i a interumpí Clinton kontinuamente. El a yam’é gañadó, el a kalifik’é komo diabel i a afirmá ku esaki tin un odio grandi den su kurason. E empresario a rekonosé pa promé biaha ku durante hopi aña e no a paga impuesto federal riba su ganashinan.
E debate ta e punto prinsipal di e intensidat di e último dianan di e karera pa drenta Kas Blanku kual a kuminsá ku un video nobo kaminda Trump ta mustra ku su famia ta permiti’é hasi kualke kos kontra di hende muhé.
Hopi republikano den purá a kita sosten for di dje i algun a asta demand’é pa e bandoná e kampaña.
Trump mes a nenga ku el a yega di mishi òf asta sunchi otro hende muhé sin ku nan mes tabata ke esaki.
