WILLEMSTAD,- Mario Bislip, mihó konosí komo Dèchi, a nase dia 9 di mei 1950 na Aruba. Dèchi ta di e bario Santa Cruz i su profeshon ta piskadó. Dèchi a praktiká e deporte futbòl i tambe bòkseo. Futbòl el a hunga den Naranjadanan di Santa Cruz, Estrella. E nòmber Estrella ta sinónimo ku futbòl. Ora na Aruba un persona menshoná e bario Santa Cruz, e ta mira e team di futbòl Estrella su dilanti.
Dèchi tabatin un karera kòrtiku den bòkseo, bringando tres pelea di kua el a gana 2 i pèrdè 1.

Karera komo futbolista:
Dèchi a kuminsá hunga futbòl na edat di 12 aña. Ku 14 aña el a pasa pa ekipo Junior di Estrella. Na edat di 16 aña e tabata hunga den ekipo Junior den oranan di atardi, miéntras ku anochi e tabata den Hoofdklasse ku Estrella. El a bira na hopi okashon sea kampion òf sup kampion di Aruba ku Estrella. Tambe na aña 1970 ku Estrella el a titulá kampion di Antia i tambe na dos okashon sup kampion. Na aña 1971 el a hunga e torneo “Gouden Jubileum” di NAVU ku Estrella i tambe den e Final Tournament di Concacaf ku Estrella na Guatemala.
Dèchi a hunga te ku 34 aña den hoofdklasse, pa despues sigui den segundo divishon ku Jong Aruba. Ku Jong Aruba el a bira kampion di 2da divishon, pa despues bai hunga ku ekipo Vitesse, ku su sua a lanta ku muchanan band’i kas. Despues di dos aña Vitesse ta kibra i e ta pasa pa Ayo.
Su pashon pa futbòl a pone ku el a sigui den veterano ku Estrella, FC Paradera, Caravel e team di Roy Helder.
Tambe el a yega di reforsá e gran ekipo Dakota na Kòrsou. Hungando den veterano Dèchi a manka un rudia i esei tabata señal pa el a stòp na edat d 60 aña.

…Ekipo di Estrella kampion di Antia Hulandes 1970, ku Dèchi Bislip meimei dilanti…

Internashonal:
Internashonalmente tambe Dèchi ta hopi konosí komo integrante di selekshon di Aruba i di Antia Hulandes.
– 1968 ku Selekshon Hubenil di Aruba ku a gana di Kòrsou i Boneiru i haña e derecho pa forma selekshon di Antia pa Weganan di Reino na Hulanda.
– 1968 Selekshon Hubenil di Antia ku a gana medaya di plata na Weganan di Reino na Hulanda.
– 1969 Selekshon Hubenil Antia medayista di oro den Weganan di Reino na Sürnam.
– 1970 Selekshon Senior di Antia, medaya di plata den Weganan Sentro Amerikano i del Karibe na Panamá.
– 1971 Selekshon Antia kontra Jamaica den eliminatorio Weganan Olímpiko.
– 1971 Estrella den ‘group stage’ di Concacaf Final Tournament na Guatemala.
– 1973 Selekshon Senior Antia ku a gana di Haiti 1-0 na Kòrsou.
– 1976 Selekshon di Antia eliminatorio pa Mundial 1978.
– 1978 Selekshon Antia Weganan CAC na Medellín, Colombia.
– 1982 Selekshon Aruba kontra Alajuelense, Costa Rica.

Paisnan kaminda el a hunga futbòl:
Kòrsou, Boneiru, Sürnam, Panamá, Costa Rica, Trinidad, Barbados, Guatemala, Haiti i Jamaica.

Logro personal:
– 1974 goalgetter (ku 13 gol) di Kampionato di Aruba.

…Premiashon 1974 di AVB, d.r.p.d.: Juby Richardson (mihó kiper), Dèchi Bislip (máksimo goliadó), Sonny Tromp (mas disipliná)…

Logronan ku ekipo:
– 4x Kampion di Aruba ku Estrella: 1968, 1969, 1973, 1977.
– 7x Sup Kampion di Aruba ku Estrella: 1969/70, 1970/71, 1971/72, 1974, 1976, 1978, 1981,
– Kampion di Antia ku Estrella: 1970.
– Kampion di Copa Radio Kelkboom ku Estrella: 1980
– Kampion di Segundo Divishon ku Jong Aruba.

Rekonosementu risibí:
– 1974 di AVB komo e máksimo goliadó di Kampionato.


…Dèchi na momento di risibí un plakat…

 


…Selekshon di Antia Hulandes ku a gana medaya di plata den Weganan Sentroamerikano i di Karibe 1970 na Panamá…

 

LAGA UN KOMENTARIO

Please enter your comment!
Please enter your name here