GAZA, Palestina (AFP).- Defensa Sivil di Gaza ayera a reportá morto di 62 persona mas komo viktimanan di bombardeonan òf tirunan di ehersito israelí den e teritorio chikí palestino.
Den kuadro di su ofensiva kontra dje movementu islamita palestino Hamas, Israel a imponé un bloke humanitario den Gaza na komienso di mart, loke a provoká un eskases grandi di kuminda, remedi i otro produktonan básiko.
A lanta e blokeo parsialmente den kabamentu di mei, ora ku Fundashon Humanitario di Gaza, un organisashon ku ta risibí finansiamentu di Merka, a kuminsá distribuí yudansa den e teritorio palestino.
Pero asina mes, na vários okashon palestinonan pará na sitio di distribushon di kuminda ta bira víktima di militarnan israelí. Esei un biaha mas tabata e kaso ayera.
Ehersito israelí, di su parti, a nenga kategórikamente ku ta su sòldánan ayera a tira riba e palestinonan ku a pèrdè nan bida.
