Dekorá bo stèlazje kant’i ruta di karnaval ku Digicel i gana!

WILLEMSTAD.-  E siman aki e keintura kòrá ta sigui subi, i ta añadí e kompetensia di stèlazje na e kampaña di karnaval di Digicel. Ademas, di e 10,000 florin ku Digicel ta regalando na e grupo di karnaval ku mas aksènt kòrá i un sin fin di premio mas, e siman aki lo tin tambe un ‘Temperatura Challenge’ na e kiosko di Digicel na Sambil spesialmente pa dia di San Valentino. Jorge Cuartas, Marketing manager pa Digicel ta sumamente kontentu ku éksito di e kampaña di karnaval. “Nos tim ta trahando masha duru pa laga klientenan di Digicel selebrá nan karnaval di un manera úniko. E aña aki nos ke pa klientenan ta kreativo i pa nan dibertí nan mes. Nos lo premia e stèntnan ku mas a sobresalí den e kompetensia di stèlazje. Ademas, e aña aki Dia di San Valentino ta kai nèt den e Keintura Kòrá i nos ke asentuá esaki tambe”.

Dekorá bo stèlazje i gana!
E kompetensia di stèlazje ta bèk! Pa partisipá mester inskribí na Digicel Biesheuvel djamars dia 12 febrüari entre 12:00 pa 16:00 pm. Despues di inskripshon e tim di Digicel lo prepará e materialnan di promoshon i lo entregá esaki na tur partisipante.  Lo mester pasa dia 14 febrüari na Digicel Biesheuvel entre 12:00 pa 14:00 òf na Sambil entre 16:00 pa 20:00 i tuma e material promoshonal pa por kuminsá e dekorashon di stèlazje.  Partisipantenan  lo risibí malchi di logo keintura kòrá, malchi di logo dibertí bo mes, malchi di  ‘the data network,  Digicel, blas i T-shirt. E aña aki atrobe tin un tema pa kompañá e dekorashon. Digicel lo ta usando e ‘hashtag’ #dibertibomes. Partisipantenan lo tin chèns di gana un promé premio di 1,200 florin, un di dos premio di 800 florin i un terser premio di 400 florin. Djaweps dia 28 di febrüari Digicel lo kore ruta di karnaval pa saka potrèt di tur stèlazje partisipante. Un hurado konsistiendo di klientenan di Digicel lo husga e stèlazje riba originalidat, kreatividat i variashon. Lo anunsiá e ganador dia 16 di mart, 2019.

Temperatura Challenge na Digicel Sambil
Dia 14 di febrüari próksimo,  San Valentino, ta invitá tur hende pa saka un foto ku e tèrmometer di ‘Keintura Kòrá’ na Sambil i ‘post’ esaki riba e página di Facebook di Digicel. E persona ku mas ‘like’ lo gana un LTE bundle di 30 dia pa 3 luna di data i yamada grátis, p’e i su amiga(u), partner òf miembro di famia. Mas tantu ‘likes’, mas haltu e temperatura! Ademas, tur hende ku saka un foto na e  tèrmometer di ‘Keintura Kòrá’ lo tin chèns di purba nan suerte den e ‘tómbola di amor’, hinka man saka premio! Tin chèns di karchi di telefòn i mas, tanten tin den stòk; yega trempan! Konektá via e página di Facebook di Digicel www.facebook.com/DigicelCuracao  p’abo tambe sinti e keintura kòrá!

SHARE

LEAVE A REPLY