WASHINGTON, AP. – Kuater representante influyente demókrata kier pa FBI investigá si e kampaña di kandidato presidensial republikano Donald Trump tabata involukrá den e atake informátika resien di kòmpiuternan di Partido Demókrata.
Legisladónan a skibi un karta ku direktor di FBI, James Comey, pa informe ku e agensia mester eksaminá si e kampaña di Trump i Rusia a lansa e atakenan informátika pa “interferí ku elekshon presidensial merikano”. E karta, ta apuntá na konekshonnan entre Rusia i kolaboradornan di Trump, inkluyendo e eks direktor di su kampaña Paul Manafort. Esaki a renunsiá despues di revelashonnan di su trabou pa un partido polítiko pro ruso na Ukrania. Algun eksperto ta konsiderá ku Rusia a organisá e atake di Komité Nashonal demókrata ku a filtra míles di dokumento di e partido.
Outornan di e karta ta representantenan demókrata Elijah Cummings, John Conyers J., Elliot Engel i Bennie Thompson.