WASHINGTON (AFP).- Den kareda di 140 militar norteamerikano a resultá heridá for di inisio dje guera den Medio Oriente dia 28 di febrüari, segun Pentágono. “E gran mayoria ta heridonan leve, i 108 militar ya a regresá den servisio”, segun e bosero di Pentágono, Sean Parnell. Ocho militar ta sigui den kondishon grave i ta risibiendo atenshon médiko.
Shete militar norteamerikano a pèrdè nan bida den atakenan iraní: seis na Kuwait i unu na Arabia Saudita.
Merka i Israel a lansa atakenan kontra Iran dia 28 di febrüari, riba kua Teheran a reakshoná ku bombardeo den vários pais dje region kaminda ku Washington tin su basenan militar.
Hefe di Pentagono, Pete Hegseth, a deklará ayera ku e atakenan merikano kontra Iran ta intensifikando, miéntras ku e volúmen di ‘drones’ i misilnan lansá dor di Iran ta bahando di forma drástiko.
