WILLEMSTAD.- Departamento di Reibeweis di e ministerio di Gobernashon, Planifikashon i Servisio Públiko ta informá na tur su klientenan. Ku su ofisina lo ta será parti mèrdia djaluna 27 djamars 28 di òktober i e siguiente siman djaluna 3, djamars 4 i djaweps 6 di novèmber 2025.
Relashoná ku ehersisionan interno departamento di Reibeweis lo no por duna su servisio kustumbrá e sinku (5) mèrdia nan aki. Tur èksamen parti mainta, entre 8 or pa 11 or lo kontinuá normal pa tantu teoria komo práktiko.
Kandidatonan ku tin èksamen di teoria di 1 or pa 3 or di mèrdia riba un di e dianan ariba menshoná, por manda un mail na rijbewijzen.puz@gobiernu.cw òf akudí na bali na kantor na Sta. Rosa pa un fecha nobo.
Departamento di Reibeweis mes lo tuma kontakto ku e ‘rijschoolnan’ pa kandidatonan ku tin èksamen di práktika entre 1 or pa 3 or di mèrdia riba un di e dianan ariba menshoná.
