MINNEAPOLIS, MERKA, AFP.- E eks polis kolo kla Derek Chauvin a keda deklará kulpabel pa morto di e afroamerikano George Floyd. E huisio a kombertí den un símbolo di brutalidat polisial kontra minorianan den Merka.
Un hurado di Minneapolis, nort di Merka a deliberá durante 11 ora promé ku a deklará Chauvin kulpabel unánimemente di e tres kargonan di asesinato di segundo i terser grado i tambe ‘dood door schuld’ pa esnan akusá ku morto di Floyd den mei 2020.
Un multitut a reuní dilanti di korte den sentro di Minneapolis i a selebrá na momentu ku e anunsiá e veredikto despues di e huisio di tres siman.
Un agente a bui Chauvin den korte despues ku hues Peter Cahill a lesa e desishon unánime di e hurado integrá pa shete muhé i sinku hòmber di diferente rasa.
Chauvin ta enfrentá mas di 40 aña den prizòn pa e kargo di asesinato. E eks polis no a mustra ningun emoshon i hues lo dikta e sentensia kontra e eks polis mas despues.
