HELSINKI, FINLANDA, AP.- Vários desena di muhé a reportá di e wòrdu violá òf agredí seksualmente den dos festival musikal na Suesia durante fin di siman, segun polis a informá djamars. E inspektor di polis di Karlstad, Leif Nystrom, a bisa ku a risibí 32 denunsia di supuesto atake pa adolesentenan òf hóbennan den e evento di tres dia den e siudat di Karlstad. E víktima mas hóben tin 12 aña. Polis a identifiká shete hòmber hóben ku mester wòrdu interogá.
Polis a bisa na prensa lokal ku ta investigando sinku kaso di violashon i mas di un desena di abusu seksual den e festival Bravalla di e siudat, na sùitwèst di Stockholm.
Despues di e presentá na e festival, a banda di rock britániko Mumford & Sons a publiká riba Facebook ku nan ta “konmoshoná i destrosá pa e notifikashonnan” di violashon i abusu seksual.
E banda a bisa djamars ku nan no ta presentá mas na Bravalla a lo ménos si e organisadónan sigurá ku nan ta “hasi algu pa kombatí e violensianan aki”.
Nystrom a bisa na Associated Press djamars ku polis a identifiká e sospechosonan, pero ku te ainda no tin niun detenshon. El a ninga di drenta den detaye relashoná ku e sospechosonan òf konfirmá afirmashonnan ku e atakantenan tabata algun migrante òf estranhero.
