BAGHDAD, AP.- Deskonosínan a tira kontra un kantidat di manifestante antigubernamental den e kapital di Irak, provokando 25 morto i 130 herido, segun informashon di outoridat irakí djasabra.

E atake a sosodé djabièrnè anochi i ta un di esnan mas mortal desde 1e di òktober, despues ku míles a subi riba kaya pa protestá kontra un kantidat di reforma polítiko, i final di intervenshon di Iran den asuntunan di Irak. Forsanan di seguridat  usa arma di bèrdat i gas lakrimógeno pa disolvé e kantidat di manifestashon, kual ta okashoná mas víktima.

E tiroteo a kontinuá e djasabra mardugá. E agresornan a inisiá nan atake mortal riba plasa Klilani, i brùg Sinak di Baghdad, pasando den algun zona ku ta episentro di e manifestashonnan aki.

Tres di e víktimanan ku a muri tabata polis i sobra manifestante, segun informashon di funshonarionan di seguridat i salú, kende a papia ku kondishon pa keda anónimo, segun normanan di su departamento.

LAGA UN KOMENTARIO

Please enter your comment!
Please enter your name here