WILLEMSTAD.- Ayera un gran kantidat di hende i asta mandatarionan di Isla Riba tabata na Kòrsou pa por despedí di un gran lider i vishonario, sr. Dominico F. Martina mihó konosí komo Don Martina. Don a haña un entiero ku tur honor estatal i miembronan di Kuerpo Polisial a fungi komo guardia di honor na su kaha. Vários persona a hiba palabra, entre nan su rumannan, presidente, i lider di su partido MAN, yu, ta un liña kòrá a kore den nan diskurso: su famia i dignidat humano tabata haltu serka Don Martina. Dia 21 di desèmber Don Martina a fayesé i e tabata un di e fundadornan di Partido MAN dia 6 di febrüari aña1971 i a fungi komo Lider Polítiko di MAN di aña 1971 te ku aña1999. Den su karera polítiko Don tabata Diputado, miembro di Konseho Insular di Kòrsou, miembro di Parlamento di Antia Hulandes, Minister i Minister Presidente ku a guia 4 Gabinete. Ayera tabatin despedida na misa di Sta. Familia pa Don Martina i despues kremashon lo tuma lugá den seno familiar.
