Tapa di kloaka ta sigui krea peliger
WILLEMSTAD. – Aña pasá den luna di mei, EXTRA a ilustrá un situashon peligroso ku tin na altura di De Rouvilleweg den área di fèri. Aki a tuma nota di algun tapa di kloaka ku a putri te kibra haña buraku. E situashon akí ta unu hopi peligroso pa peatonnan ku ta frekuentá den e área. Despues di a señalá e situashon peligroso aki e tempu ei, por a tuma nota ku a laga pone algun barí na e sitio pa ilustrá peliger pero entretantu e barínan aki tambe a kèntel den e buraku kaminda e tapa di e kloaka a kibra. A hasi nèt un aña ku Extra a ilustrá e situashon akí pero lamentablemente ainda no a remediá esaki.
