LOS ANGELES, AP.- Un hòmber ku a sufri e robo di su outo deportivo 42 aña pasa nunka mas a haya esaki despues ku finalmente el a hañ’é riba un website di benta eBay. Asina outoridatnan a informá djadumingu.
Robert Russel a bisa e departamentu di Polis di kondado di Los Angeles ku nunka el a ‘give up’ pa ku búskeda di su Austin Harley di 1967 ku a keda hòrta di su kas di Filadelfia na 1970.
Russel a haña e outo ku tabata parse di dje ribaeBayiaeksamináe number di identifikashon di
e vehíkulo riba e website ku e sertifikado diepropiedatiadiskubrí ku tabatin similaridat den esakinan. Asina e departamentu a informá den un komunikado.
Russel, kende awor ta biba na Texas a drenta den kontakto ku departamentu mayó i e detektive Carlos Ortega a logra haña e outo na Ost di Los Angeles.
Despues di a kolaborá ku polis di Filadelfia pa resolvé algun asuntu pa identifikashon di e vehíkulo, e departamentu a komuniká ku Russel na momentu ku e por a bai ku su outo.
I despues el a bai ku esaki na su kas na Texas. Russel a bisa ku el a kumpra e vehikulo pa 3.000 dòler pero awor tin un balor di 23.000 dòler.
Russel a bisa ku el a pèrsistí riba búskeda di e outo no paso e tabata di hopi balor pero paso esaki tabatin un balor sentimental paeisukasa.