PARIS, AP.- Defensornan di bibienda públiko a protestá djaluna dilanti e katedral di Notre Dame na Paris pa eksihí pa kòrda riba e pobernan na Fransia, despues ku vários a primintí di hasi un donashon di 1.000 mion dòler pa rekonstruí e iglesia famoso aki.

Mas o ménos 50 persona di un asosiashon franses di persona sin kas a reuní ku bòrchinan indikando “1.000 mion den 24 ora”. Algun a grita “Notre Dame mester di un dak, nos tambe mester di un dak”.

Polis di Paris a vigilá e protesta pasífiko serka di kaminda Notre Dame ta, pero no a intervení. E manifestashon a terminá despues di vários ora.

LAGA UN KOMENTARIO

Please enter your comment!
Please enter your name here