Polis a tira hòmber durante intento pa bula ATM

Intento di kiebro den otro ATM awe mardugá

WILLEMSTAD.- Awe mardugá pa mas o ménos 3:30 am sentral di polis a haña informashon ku deskonosínan lo ta na un ATM riba Corrieweg di un forma sospechoso. Bèrdat na momentu ku e patruyanan a yega den e área nan a nota ku tabatin un outo i algun tipo ku lo tabata hasiendo algu na e mashin di plaka.

Ora nan a nota presensia di polis nan a Sali na kareda den un vehíkulo i polis a start un persekushon. Na altura di Kolegio Alejandro Paula (Peter Stuyvesant College) i GOG e malechornan a dal ku nan outo. Bosero polisial Imro Zwerwer ta indiká ku ta trata di tres òf kuater suheto ku tabata den e outo, di kua unu di nan a logra bai banda di GOG. Polisnan a detené esun ei. E otronan a logra hui bai.

Mas aleu sr. Zwerwer a duna di konosé ku durante di e persekushon polis lo mester a duna òrdu pa para e vehíkulo pero nan no a duna oido na esei ku konsekuensia ku a los tiru riba nan. A base di esei un di e okupantenan a risibí tiru, esei ta esun polis a detené. El a haña tiru na su brasa.

Na ATM riba Corrieweg polisnan a haña algun artefakto ku ta duna tur indikashon ku e tiponan tabata prepará pa bai kometé un eksploshon pa hòrta e mashin di plaka. Meskos tambe den e vehíkulo polisnan a haña basta artefakto ku ta di sumo importansia pa e investigashon.

 

Pistanan a kuminsá drenta pa ku robo di ATM nan

 

SHARE

LEAVE A REPLY