Update ku vershon ofisial di Kuepo Polisial:

Relashoná ku un investigashon ku ta andando en konekshon ku faltamentu ku prosedimentu di konfiskashon di propiedat i kibramentu ku privasidat di bibienda, djadumingu 28 di febrüari 2021 den oranan di mainta, algun polis a keda detené na e Departamento di Asuntunan Interno di Polis (B.I.Z.).
Ta trata aki di algun polis ku dia 13 di yanüari último a risibí prohibishon pa drenta lokalidatnan polisial a base di e investigashon ariba menshoná.
Despues ku a presentá e polisnan aki dilanti di un fiskal ouksiliar, a ordená nan enkarselamentu pendiente di mas investigashon.
En bista di e delikadesa di e investigashon, por lo pronto lo no por suministrá mas informashon relashoná ku e kaso aki.

 

======

WILLEMSTAD.- Kuerpo polisial a detené 5 di e 6 polisnan ku tabata riba non aktief. Ta trata di e kaso ku a tuma lugá den luna di sèptèmber/òktober na un adrès na Daimarieweg. Riba e fecha aki lo tabatin un inval i lo a konfiská artíkulonan. Informashon ta indiká ku no ta promé biaha ku lo tin keho i sospecho kontra e unidat aki, pasombra durante ku nan hasi konfiskashon di artíkulonan i òf droga, nan lo no tabata entrega esakinan manera prosedura ta bisa. Na yanüari e aña aki a pone e 6 polisnan riba non aktif I e wikènt aki a detené 5 di nan. Pa mas detaye di e kaso aki lesa EXTRA mainta.

LAGA UN KOMENTARIO

Please enter your comment!
Please enter your name here