…Esaki ta e esena ku tabatin dia 29 di aprel na Haitiweg…

WILLEMSTAD.- Ayera outoridatnan polisial a hasi detenshon di un hòmber ku ta e sospechoso ku o mester a basha bala dia 29 di aprel último den Haitiweg.
Segun informe polisial, personal di reshèrshi di VVC a detené un hòmber alrededor di 15.35 or, e sospechoso di inisial E.V.S. di 39 aña di edat nasé na Kòrsou riba F.D. Rooseveltweg.
E hòmber aki ta wòrdu sospechá di intento di asesinato pre meditá, homisidio i posishon ilegal di arma di kandela.
Ta trata aki dje kaso di tiramentu ku a tuma lugá dia 29 di aprel 2021 den Haitiweg
A present’é dilanti di un fiskal ouksiliar ku a ordená su enkarselamentu pendiente di mas investigashon.
E tiroteo aki lo ta relashoná ku un problema di basta ratu andando.
Dia 29 di aprel, den kareda di 16.19 or polis a keda dirigí pa Haitiweg p’e tiroteo i kaminda tabatin hende heridá. For di investigashon ku polis a hasi na sitio a resultá ku durante un tiroteo un dama i un hòmber a risibí herida di bala. Ambulans a presentá na Haitiweg i a transportá e dama ku a risibí bala na altura di su pia pa departamento di emergensia di C.M.C.. Miéntras e hòmber ku a haña rasku di bala na garganta a drenta outo bai warda di polis na Rio Canario. Ambulans tambe a presentá na e warda en kuestion i a trata e hòmber na e sitio mes.
Segun nos a komprondé ku ta un outo ku tres hòmber a yega na e adrès i a saka armanan di kandela pisá i a basha bala kaminda dos hende a resultá heridá. Pues awor tin un sospechoso den kustodia pa investigá e kaso a

LAGA UN KOMENTARIO

Please enter your comment!
Please enter your name here