ORANJESTAD.-Den fin di siman tras di lomba a kuminsá desaroyá un informashon, ku detenshon lo bai kai relashoná ku investigashon ku ta tumando lugá. A resultá ku ta e bodyguard di premier Mike Eman di Aruba, S.L ta den problema ku hustisia. Su detenshon a tuma lugá djabièrnè atardi despues ku a drenta su kas na Madiki i listra. Solo di Pueblo di Aruba a konfirmá esaki.
Polis di Aruba a hasi detenshon djabièrnè último di Sandro Lopez kende ta e shofùr i bodyguard di premier Eman. E informashon inisial ta indiká ku ta trata di sospecho di droga i arma. E kaso aki ta haña un peso adishonal komo ku ta trata di e persona mas serka i ku ta sòru pa protekshon di premier arubano Mike Eman.
Na Aruba por tuma nota ku e kaso a kue un otro rumbo, den sentido ku ta surgi pregunta kon e promé minister a permití pa kosnan for di òrdu tuma lugá! Tambe ta bini dilanti kon a detené shofùr i bodyguard di eks premier Evelyn Wever-Croes aña pasá. No tin reakshon ofisial ainda di niun instansia di gobièrnu di Aruba. Fotonan kortesia Solo di Pueblo.
