Asesinato na Aruba di yanüari 2021
ORANJESTAD.-Kuerpo Polisial di Aruba ta informa ku recherhe di San Nicolas a logra detené hòmber di inisialnan B.D.W. di 23 aña nasé na Aruba. A detené e sospechoso aki na su kas den Kaya Sint Lucia. Ku e detenshon aki outoridatnan a logra yega 4 detenshon den e kaso spesífiko aki. Ta trata di e kaso di asesinato ku a tuma lugá dia 15 di yanüari 2021.
Na aprel polis di Aruba a informa ku a detené un persona relashoná ku e kaso aki. E momentu ei tambe a detené un sospechoso relativamente hóben, esta un hòmber di 21 aña di edat. Mas mei mei di aprel a detené dos hòmber mas unu den un kas na Prinsenstraat i un otro na Kaya Sint Lucia. Polis arubano a indiká ku e dos últimonan aki ta keda konsiderá komo hendenan sumamente peligroso.
