Despues ku Merka a deport’e pa Kòrsou
WILLEMSTAD.-Resientemente outoridatnan a detené Rishano Santokhi, yu di eks presidente di Sürnam Chandrikapersad mihó konosí komo Chan Santokhi. E detenshon a tuma lugá na airopuerto Johan Adolf Pengel na momentu ku el a regresá Sürnam. Ta asina ku Merka a deportá Rishano Santokhi i mand’é Kòrsou. Despues el a sigui biaha i yega Sürnam, unda el a keda detené.
Ministerio Públiko ta buskando Santokhi pa algun tempu kaba, basá riba algun akusashonnan ku a resultado for di su ekspreshonnan riba retnan sosial. A base di esei a start un investigashon.
No ta konosí kua ta e akusashonnan spesífiko kontra di Rishano ni tampoko ta konosí ki dia e ta keda presentá dilanti di un fiskal. OM Sürnam no ta dunando informashon riba e último aki. Asina koleganan di Star Nieuws Suriname ta informa.
