WILLEMSTAD – Fiskal di Ministerio Públiko (OM) Kòrsou a duna 26 di òktober 2018 òrdu pa pone asina yamá “conservatoir beslag” riba salario di sr. Gerrit Schotte. E base legal pa e “conservatoir beslag” tabata un outorisashon di Wes-komisario. Manera kustumber a duna un deurwaarder òrdu pa pone e beslag. Lamentablemente e deurwaarder a pone robes un asina yamá “executoriaal beslag” na lugá di e “conservatoir beslag”. Abogado di sr. Schotte korektamente a reklamá esaki. Ministerio Públiko a duna òrdu mesora na e deurwaarder en kuestion pa remediá e título di e beslag. Ministerio Públiko no ta bai kita e beslag riba e salario di sr. Schotte, solamente ta bai remediá e asina yamá “beslagtitel”.
