Di 6 morto den tráfiko riba Kaminda George Willems

WILLEMSTAD.- Kòrsou a registrá otro morto den tráfiko. Den e kaso aki ta trata dje di 6 víktima ku tráfiko insigur di nos pais ta registrá. E aksidente e tuma lugá awe mainta riba e kaya konosí komo Kaminda George Willems den área di Festival Center. Despues di e aksidente trágiko aki dòkter di polis a presentá na e sitio pa konstatá morto. Informashon risibí na e sitio ta mustra ku un hòmber i un hende muhé lo a sali fiesta i tabata riba kaminda pa kas riba e kaya menshoná. Na dado momento nan lo mester a topa diripiente ku un toro pretu riba kaminda.

 E outo lo a dal e toro i e kachu di e animal lo a pasa drenta e outo i herida e dama. Outoridatnan ta hasiendo e investigashon nesesario. Bisiñanan di e área ku a konta a indiká ku ta trata di algun baka i un toro k usa kana den e besindario ei. Mas informashon i detaye den edishon di EXTRA.

 

 

SHARE

LEAVE A REPLY