WILLEMSTAD.- Relashoná ku e kaso di kandela ku a surgi na ofisina di Impuesto na Regentesselaan den e mardugá di djaweps 22 di ougùstùs último polis a hasi un detenshon mas.
Awe alrededor di 11.50 or, Polis a detené e hòmber sospechoso S.F., di 47 aña di edat. Detenshon di e sospechoso a tuma lugá den diamentweg.
En konekshon ku e detenshon di S.F., a tene entrada hudisial na sinku (5) diferente lokalidat.
E sospechoso a keda presentá dilanti un Fiskal Ouksiliar ku a ordená su enkarselamentu pendiente di mas investigashon. E investigashon den e kaso aki ta kontinuá.
